მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

“უკანონო” პოდკასტის მესამე ეპიზოდის თემა სტუდენტების პროტესტია. ილიას სახელმწიფო უნივერსიტეტისა და საქართველოს ეროვნული უნივერსიტეტის სტუდენტური მოძრაობების წევრებთან, თამუნა თევზაძესა და ნენე გაბლაიასთან ერთად, ვსაუბრობთ იმ საპროტესტო მოძრაობების შესახებ, რომელსაც წარმოადგენენ და განვიხილავთ გამოწვევებს, მოტივაციასა და მოლოდინებს.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.