საქართველომ ევროკავშირის წევრობის კანდიდატის სტატუსი მიიღო. ამის შესახებ ევროპული საბჭოს პრეზიდენტმა, შარლ მიშელმა X-ზე (ყოფილი Twitter) დაწერა.
“ევროპულმა საბჭომ მიიღო გადაწყვეტილება უკრაინასა და მოლდოვასთან გაწევრიანების მოლაპარაკებების გახსნის შესახებ.
#EUCO-მ საქართველოს მიანიჭა კანდიდატის სტატუსი. ასევე, ევროკავშირი დაიწყებს მოლაპარაკებებს ბოსნიასა და ჰერცოგოვინასთან მას შემდეგ, რაც ის მიაღწევს წევრობის კრიტერიუმებთან შესაბამისობისთვის აუცილებელ ხარისხს. საბჭომ მოიწვია კომისია, რათა ამ გადაწყვეტილების მისაღებად საჭირო ანგარიში მარტამდე მომზადდეს”, — დაწერა მიშელმა.
ინფორმაცია კანდიდატის სტატუსის მინიჭებასთან დაკავშირებით გამოაქვეყნა საქართველოში ევროკავშირის წარმომადგენლობამაც. მათი განცხადებით, ევროკავშირის 27 წევრი ქვეყნის გადაწყვეტილებით, საქართველოს ევროკავშირის წევრობის კანდიდატის სტატუსი მიენიჭა. გარდა ამისა, ევროკავშირის წარმომადგენლობამ გაავრცელა ევროკავშირის წევრი ქვეყნების ელჩები სპეციალური მიმართვა, სადაც საქართველოს ამ ისტორიულ თარიღს ულოცავენ.