მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

17 მაისს — ჰომო, ტრანს და ბიფობიასთან ბრძოლის საერთაშორისო დღეს საქართველოში ხანგრძლივი და მტკივნეული ისტორია აქვს, მათ შორის, ყველაზე მძიმედ გასახსენებელი კი 2013 წელია. “უკანონო” პოდკასტის ამ ეპიზოდში თანასწორობის მოძრაობის დირექტორ მიშა მეფარიშვილსა და სოციალურ მუშაკ, აქტივისტ ირა სილანტევასთან ერთად, თვალს გადავავლებთ ამ დღის ქართულ ისტორიას.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.