პარლამენტთან საპროტესტო გამოსვლების ფონზე, პრემიერმინისტრმა, ირაკლი კობახიძემ მთავრობის ახალი წევრები წარადგინა.
- საგარეო საქმეთა მინისტრის პოსტზე — მაკა ბოჭორიშვილი;
- იუსტიციის მინისტრის პოსტზე — ანრი ოხანაშვილი;
- გარემოს დაცვისა და სოფლის მეურნეობის მინისტრის თანამდებობაზე — დავით სონღულაშვილი;
ანრი ოხანაშვილი და დავით სონღულაშვილი IX-X მოწვევის პარლამენტის წევრები იყვნენ, მაკა ბოჭორიშვილი კი, X მოწვევის პარლამენტის. კობახიძემ მადლობა გადაუხადა ყოფილ მინისტრებს — ილია დარჩიაშვილს, რატი ბრეგაძესა და ოთარ შამუგიას. მან აღნიშნა, რომ სამივე მათგანი სახელმწიფოს სამსახურში განაგრძელებს საქმიანობას, მაღალ თანამდებობაზე, თუმცა არ დაუკონკრეტებია, თუ სად.
შეგახსენებთ, რომ მე-11 მოწვევის პარლამენტის შეკრების ფონზე საპროტესტო გამოსვლები გრძელდება. პოლიტიკოსები, აქტივისტები და მოქალაქეები გაყალბებულ ხმებს აპროტესტებენ და არჩევნების ხელახლა ჩატარებას მოითხოვენ. პარლამენტის შეკრების ლეგიტიმაციას კითხვის ნიშნის ქვეშ აყენებენ პრეზიდენტი და კონსტიტუციონალისტები.