მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

სახელმწიფო ინსტიტუტები, რომლებიც მოქალაქეთა დაცვაზე უნდა ზრუნავდნენ, ქვეყნის განვითარებისთვის სათანადო გარემოს უნდა ქმნიდნენ და ხარვეზებზე რეფლექსიით უკეთეს მომავალს აშენებდნენ, პარტიული კონტროლის განხორციელების მექანიზმები არიან. ამ ეპიზოდში იურისტებთან, თამარ ზარქუასა და ანა პაპუაშვილთან ერთად ვსაუბრობთ, რას ნიშნავს მოცემულობა, რომელშიც ვართ, ადამიანის უფლებებისთვის და ვაფასებთ ხელისუფლებ(ებ)ის ვალსა და როლს ამჟამად მიმდინარე პროცესებში.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.