მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

“უკანონო” პოდკასტის მეორე ეპიზოდში მოწვეულ სტუმრებთან — 64-ის ჟურნალისტ გიორგი გიორგაშვილთან და OC Media-ს თანადამფუძნებელ, რედაქტორ და ფოტორეპორტიორ მარიამ ნიკურაძესთან ერთად, ვსაუბრობთ მედიის წინაშე არსებულ გამოწვევებზე, შესაძლებლობებსა და იმ მოლოდინებზე, რაც გვაქვს.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.