მედია აპრილი წარმოგიდგენთ “უკანონო” პოდკასტს
საქართველოში უკანონოდ გამოცხადდა ყველაფერზე საუბარი, რაც ქვიარ საკითხებს უკავშირდება, უფრო ფართოდ კი ზოგადად ადამიანის უფლებები იქცა თავდასხმის სამიზნედ. ამ პოდკასტში ხან სერიოზულად, ხანაც შედარებით მსუბუქად ვსაუბრობთ ისეთ ამბებზე, რაზე სიჩუმეც “ქართულ ოცნებას” უნდა.
ახლახან სახალხო დამცველის ოფისში გენდერის დეპარტამენტი გაუქმდა, ერთი წლის წინ კი “ქართულმა ოცნებამ” ტერმინი გენდერი სულ გააქრო კანონმდებლობიდან. მთელი რიგი ცვლილებები, რომლებიც ბოლო წლებში ვიხილეთ “ოცნების” ანტი-გენდერული პოლიტიკის ნაწილია, რაც თანასწორობის მიღწევას სულ უფრო შეუძლებელს ხდის. “უკანონო” პოდკასტის სტუმარი გენდერის მკვლევარი ლიკა ჯალაღანიაა და ვსაუბრობთ გენდერთან დაკავშირებულ ძვრებზე საქართველოში.
განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.