GrlzWave ფილმის “იმ ქალების შთამომავლები” ჩვენებას გამართავს. ჩვენება Downtempo Rituals-ის ღონისძიების ნაწილია და საღამოც სწორედ ამ დოკუმენტური ფილმით გაიხსნება.
“ამ გამარჯვების განწყობაზე, გვინდა კიდევ ერთხელ გავიხსენოთ ის ქალები, რომელთა სიმამაცით და თავდადებით შევძელით მოვსულიყავით იქ, სადაც ახლა ვართ”, – აღნიშნულია ღონისძიების აღწერაში.
ფილმის ჩვენების შემდეგ კითხვა-პასუხის სესია შედგება.
ღონისძიება 29 მარტს გაიმართება და ფილმის ჩვენების ნაწილზე დასწრებას, უფასოდ ამ ბმულის შევსების მეშვეობით შეძლებთ, თუმცა Downtempo Ritual-ის ღონისძიებაზე დასწრება ფასიანია.
“ფილმის ნახვის შემდეგ, თუ გექნებათ სურვილი დარჩეთ ღონისძიებაზე და მოუსმინოთ შესანიშნავ ქალ არტისტებს: ლუა, Purple Flame და Elzy, შეგეძლებათ დონაციის სახით გადაიხადოთ თქვენთვის მისაღები თანხა”, — აღნიშნულია ღონისძიების აღწერაში.
ფილმი ნიდერლანდების სამეფოს საელჩოს ფინანსური მხარდაჭერით, პროექტ Speak Up-ის ფარგლებში მომზადდა.