ქვიარ-ასოციაცია „თემიდა“ ქვიარ-აქტივისტური, მემარცხენე ტრანს სათემო ორგანიზაციაა, რომელიც ორგანიზდება, მუშაობს და იბრძვის ტრანს და ქვიარ ადამიანებისთვის უსაფრთხო, თანასწორი და ღირსეული პოლიტიკური, უფლებრივი და სოციალური გარემოს შესაქმნელად.
წარმოგიდგენთ „თემიდას“ 2023 წლის დეკემბრის მიმოხილვას:
- ქიარ-ასოციაციამ დეკემბერში ჩაატარა თანასწორგანმანათლებლის ინდივიდუალური საკონსულტაციო შეხვედრები, რომლებიც ტრანს* თემის წევრებისთვისაა განკუთვნილი და მათ საშუალებას აძლევს, მიიღონ სასურველი ინფორმაცია გენდერის აფირმაციული პროცედურებისა და ტრანს* ჯანდაცვის სხვა საკითხების შესახებ იმ ადამიანისგან, რომელიც თავადვე არის ტრანს* თემის წევრი და აქვს შესაძლებლობა, რომ შესაბამის ცოდნასა და ინფორმაციასთან ერთად საკუთარი გამოცდილებებიც გაუზიაროს თემის სხვა წევრებს. სერვისით სარგებლობა შესაძლებელი იქნება იანვარშიც. დეტალური ინფორმაციისთვის შეგიძლიათ იხილოთ და შეავსოთ სარეგისტრაციო ფორმა. საქმიანობა ხორციელდება „ქალთა ფონდის“ მხარდაჭერილი პროექტის „სექსუალური და რეპროდუქციული ჯანმრთელობის საჭიროებები ტრანს* ადამიანებში“ ფარგლებში.
- ამავე პროექტის ფარგლებში 21 დეკემბერს „თემიდამ“ გამართა ტრანს* თემის წევრებისთვის განკუთვნილი საინფორმაციო შეხვედრა „გენდერული აფირმაციის ჰორმონთერაპია“, რომელსაც მოწვეული ენდოკრინოლოგი უძღვებოდა. შეხვედრის ფარგლებში მოწვეულმა სპეციალისტმა დამსწრე აუდიტორიას მიაწოდა ინფორმაცია ჰორმონთერაპიის დაწყების, მისი ეფექტების, პოტენციური სამედიცინო რისკებისა და სხვა მნიშვნელოვანი საკითხების შესახებ. იანვარში გაიმართება კიდევ ორი საინფორმაციო შეხვედრა სექსუალური და რეპროდუქციული ჯანმრთელობისა და უფლებების საკითხებზე. ღონისძიებებზე ინფორმაციის მისაღებად შეგიძლიათ თვალი ადევნოთ ორგანიზაციის Facebook და Instagram გვერდებს.
- 22 დეკემბერს ორგანიზაციამ კლუბთან KHIDI კოლაბორაციით ბოლო პეროფრმანსი წარადგინა ქვიარ-კოლექტივის, LEASH COMMUNAL-ის, ახალ ქვიარ ღონისძიებების სერიაზე KOSA SHOWCASE. ღონისძიებას ქვიარ თემის ათასსზე მეტი წევრი და მხარდამჭერი ესწრებოდა. KOSA SHOWCASE „თემიდას“ პროექტ „ბიანკას“ ფარგლებში შეიქმნა და აერთიანებს დრეგ-ქუინებსა და პერფორმერებს, რომლებიც პერმფორმანსებში სხვადასხვა სოციალურ და პოლიტიკურ თემებზე, თემის გამოწვევებსა და საჭიროებებზე საუბრობენ. პროექტის მხარდამჭერია ნიდერლანდების სამეფოს საელჩო საქართველოში.
- „თემიდამ“ კლინიკა „ნეოლაბთან“ ურთიერთთანამშრომლობის მემორანდუმი გააფორმა. კლინიკისა და ორგანიზაციის თანამშრომლობის შედეგად ტრანს თემის წევრებს საშუალება აქვთ, მიიღონ მეგობრული გენდერული აფირმაციის ჰორმონალური თერაპიის სერვისი. ტრანს ადამიანებმა სერვისის მისაღებად ორგანიზაციას აღნიშნული ფორმის საშუალებით შეგიძლიათ მიმართოთ.