ზუგდიდის მუნიციპალიტეტში ქალის მკვლელობის ბრალდებით 2003 წელს დაბადებული ო.ც. დააკავეს. მკვლელობა თბილისში, ლილოს ბაზრობის მიმდებარე ტერიტორიაზე, გუშინ, 28 თებერვალს მოხდა. ფემიციდის მსხვერპლი 21 წლის ქალია.
დაკავებულს ბრალად ედება განსაკუთრებული სისასტიკით ჩადენილი მკვლელობა. გამოძიება საქართველოს სისხლის სამართლის კოდექსის 109-ე მუხლის “მ” ქვეპუნქტით მუმდინარეობს, რომელიც 16-დან 20 წლამდე ან უვადო თავისუფლების აღკვეთას ითვალისწინებს.
“გამოძიებით დადგინდა, რომ ბრალდებულმა თბილისში, ურთიერთშელაპარაკების ნიადაგზე ცივი იარაღის გამოყენებით, ნაცნობ ქალს, 2003 წელს დაბადებულ ქ.ჯ-ს სასიკვდილო ჭრილობა მიაყენა და შემთხვევის ადგილიდან მიიმალა”, — აღნიშნულია შსს-ის განცხადებაში.