დააკავეს კაცი, რომელსაც ოჯახის წევრის დამამძიმებელ გარემოებებში განზრახ მკვლელობა ედება ბრალად.
სამეგრელო-ზემო სვანეთის პოლიციის დეპარტამენტისა და ზუგდიდის რაიონული სამმართველოს თანამშრომლებმა ცხელ კვალზე დააკავეს კაცი, რომელმაც, შსს-ის ცნობით, ცოლი ბლაგვი საგნის გამოყენებით მოკლა. ქალი კლინიკაში გადაიყვანეს, თუმცა ექიმებმა მისი გადარჩენა ვერ შეძლეს. დანაშაული 16-დან 20 წლამდე ან უვადო თავისუფლების აღკვეთას ითვალისწინებს.