სპეციალურმა საგამოძიებო სამსახურმა უკანონო მოსმენის ფაქტზე ერთი პირი დააკავა. უწყების განცხადებით, მათ დაზარალებულმა ქალმა მიმართა, რომელმაც საკუთარი ბინის საძინებელში მოსასმენი აპარატურა აღმოაჩინა.
გამოძიების მიხედვით, კაცმა ყოფილი ცოლის საცხოვრებელ ბინაში — მისაღებსა და საძინებელში, ფარულად დაამონტაჟა მოსასმენი მოწყობილობები, რომლებშიც სიმ ბარათები განათავსა და მათზე დარეკვისას თვეების განმავლობაში უკანონოდ უსმენდა დაზარალებულების კერძო კომუნიკაციას.
ბრალდებული სასამართლოს განჩინების საფუძველზე სისხლის სამართლის კოდექსის 158-ე მუხლის პირველი ნაწილით დააკავეს. დანაშაული 4 წლამდე თავისუფლების აღკვეთას ითვალისწინებს.