ადამიანებს მეტწილად გვიწევს იმ გენდერული მოლოდინების გამართლება, რომელიც სოციალურად არის მიღებული — ათასწლეულებია ასეა. თუმცა, რა არის ის მოლოდინები, რაც ქალებისა და კაცებისადმი არსებობს, დროში ცვალებადია. მიუხედავად იმისა, რომ სქესი ბიოლოგიური განსაზღვრებისთვის გამოიყენება, გენდერი კი სოციალური კლასიფიკაციისთვის, “ქართულმა ოცნებამ” ეს ორი სიტყვა გააიგივა, საკანონმდებლო ბაზიდან სრულიად გააქრო სიტყვა გენდერი და ადამიანის თვითაღმოჩენის საზღვრებად ბიოლოგიური მოცემულობა დაადგინა. “უკანონო პოდკასტის” მორიგ ეპიზოდში გენდერის მკვლევარ ანა ილურიძესთან ერთად განვიხილავთ, რა არის სქესი და გენდერი, როგორია გენდერის გააზრების ბინარული და არაბინარული ჩარჩო და რა ზიანი მოაქვს ტერმინათან გამოცხადებულ ბრძოლას.