მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

“ქართული ოცნება” საზოგადოებაში არსებულ ქვიარფობიურ განწყობებსა და ოჯახის დაცვის სენტიმენტებს იყენებს და ლგბტქი ადამიანების უცხოდ, მტრად შერაცხვას ცდილობს. ამასთან, მათი ნაბიჯები ცხადყოფს, რომ მოქალაქეების დამორჩილება ტერორის განცდის გაღვივებით სურთ. პოდკასტის ამ ეპიზოდში ფსიქოთერაპევტებთან — ლიკა ბარაბაძესა და გიორგი წოწკოლაურთან ერთად, ვსაუბრობთ, როგორ უნდა გავუმკლავდეთ კრიზისულ მდგომარეობას და რა გზები არსებობს იმისთვის, რომ გაუარესებული რეალობის მიუხედავად, თვითზრუნვა შევძლოთ.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.