მედია აპრილი წარმოგიდგენთ “უკანონო” პოდკასტს

საქართველო დამოუკიდებლობის მოპოვებიდან მოყოლებული ვერ იქცა სახელმწიფოდ, რომელშიც კანონი უზენაესია, ბოლო დროს კი, ელვის სისწრაფით ცხადდება უკანონოდ ყველაფერი, რაც გუშინ გამოხატვის თავისუფლების ნაწილი იყო. ამ პოდკასტში ხელისუფალთა უკანონობებზე ვისაუბრებთ, იმაზეც, როგორია საზოგადოების რეაქცია რეპრესიებსა და ტერორზე ან როგორ წარმოგვიდგენია, ჩვენი ქვეყნის სახელმწიფოდ გარდაქმნა.

“ქართულმა ოცნებამ” თავდასხმის სამიზნედ აქცია სიტყვისა და გამოხატვის თავისუფლება, რომლის დაცვის ვალდებულება გარანტირებულია როგორც კონსტიტუციური, ასევე ცალკე კანონით. პოდკასტის ახალ ეპიზოდში მოწვეულ სტუმრებთან — “საქართველოს მომავლის აკადემიის” აღმასრულებელ დირექტორ მარი კაპანაძესა და “საქართველოს ახალგაზრდა იურისტთა ასოციაციის” თავმჯდომარე ნონა ქურდოვანიძესთან ერთად, ვსაუბრობთ, რა როლი აქვს სიტყვისა და გამოხატვის თავისუფლებას დემოკრატიის შენებაში, როგორ იქცა ის თავდასხმის სამიზნედ, როგორი უნდა იყოს მისი დაცვის სტანდარტი და რას უნდა ველოდეთ “ოცნებისგან” სამომავლოდ.

პოდკასტის ახალი ეპიზოდი გამოქვეყნდება ყოველ სამშაბათს, 19:00 საათზე, ჩვენს Youtube-ისა და Spotify-ის არხებზე.

განსაკუთრებული მადლობა პროექტ 64-ს სივრცის დათმობისა და ტექნიკური მხარდაჭერისთვის.