ქართული ოცნების დეპუტატმა, ირაკლი ბერაიამ ოპოზიციის წარმომადგენელი ქალი დეპუტატის, თეონა აქუბარდიას მიმართ დისკრიმინაციული და ღირსების შემლახავი განცხადების გამო ბოდიში მოიხადა ეს და ემოციებით ახსნა. მისი თქმით, მმართველი გუნდის მიმართ “უსამართლო” ბრალდებები მისთვის მტკივნეულია. ქალი დეპუტატის შეურაცხყოფა ბერაიამ “ემოციებით” ახსნა:
“რა თქმა უნდა, გულწრფელად ვაღიარებ ამას, რომ ეს იყო ემოციურად გადაჭარბებული თვითონ იმ განცხადების სიმძიმიდან გამომდინარე, რასაც ჩვენ ვისმენთ მუდმივად და რა თქმა უნდა, გულწრფელად ამის გამო მინდა ბოდიში მოვიხადო”, — თქვა ბერაიამ.
დღეს, 31 ოქტომბერს, პარლამენტის პლენარულ სხდომაზე, ქართული ოცნების დეპუტატებმა ალუდა ღუდუშაურმა და ირაკლი ბერაიამ ქალ პარლამენტარებს, ანი წითლიძესა და თეონა აქუბარდიას სიტყვიერი შეურაცხყოფა მიაყენეს და სექსისტური, დამამცირებელი, ღირსების შემლახავი კომენტარები გააჟღერეს. პარლამენტის თავმჯდომარეს, შალვა პაპუაშვილს დეპუტატებისთვის არც სიტყვა გაუწყვეტინებია და არც მითითება ყოფილა, რომ შეურაცხმყოფელი კომენტარებისგან თავი შეეკავებინათ.