“ქალთა ფონდი საქართველოში” 3 ახალ საგრანტო კონკურსს აცხადებს, რომელიც მიზნად ისახავს საქართველოში ფემინისტური მოძრაობის განვითარების ხელშეწყობას და მოძრაობებს შორის თანამშრომლობის წახალისებას. ინფორმაციას ამის შესახებ ფონდი Facebook გვერდზე ავრცელებს.
საგრანტო კონკურსში მონაწილეობის მიღება შეუძლიათ ქალთა ფორმალურ და არაფორმალურ ჯგუფებს (რეგისტრირებულ არასამთავრობო ორგანიზაციებს და საინიციატივო ჯგუფებს) და ქსელებს, საქართველოს დედაქალაქიდან და რეგიონებიდან.
“ქალთა ფონდის” ვებ-გვერდზე გამოქვეყნებული ინფორმაციის თანახმად, მიესალმებიან სოციალურ ცვლილებებზე ორიენტირებულ პროექტებს, რაც კონკრეტულ კონკურსში გულისხმობს შემდეგს:
- ინტერსექციური ფემინიზმის პრინციპების გათვალისწინება;
- უსაფრთხო სივრცის შექმნა ფემინისტი და ქვიარ აქტივისტებისთვის;
- ყველაზე მარგინალიზებული ჯგუფების მხარდაჭერა/ხმების გაჟღერება.
საგრანტო კონკურსებს შორის ერთ-ერთი ინტერსექციური ფემინისტური მოძრაობის განვითარებაა. მისი ფინანსური მხარდამჭერია “ღია საზოგადოების ფონდი”.
გრანტის თანხა 6000 აშშ დოლარია, ხოლო პროექტების ხანგრძლივობა 5 თვემდეა. განაცხადების წარდგენის ბოლო ვადაა 2023 წლის 28 სექტემბერია, დაფინანსებაზე საბოლოო გადაწყვეტილება კი 2023 წლის ოქტომბერში გახდება ცნობილი.
მომდევნო ღია გრანტი ფოკუსირებულია ფემინისტური მოძრაობის გაძლიერებასა და მობილიზაციაზე საქართველოს რეგიონებში, რომლის ფინანსური მხარდამჭერია “შვედეთის საერთაშორისო განვითარების თანამშრომლობის სააგენტო” (SIDA).
საგრანტო თანხა განსაზღვრულია 10000 ევრომდე, ხოლო პროექტების ხანგრძლივობა — 6-7 თვემდე. განსახილველი პროექტების წარდგენის ბოლო ვადა 2023 წლის 3 ოქტომბერია.
მესამე საგრანტო კონკურსი ორიენტირებულია ინტერსექციური ფემინისტური მოძრაობის განვითარებაზე საქართველოში და მისი ფინანსური მხარდამჭერია “შვედეთის საერთაშორისო განვითარების თანამშრომლობის სააგენტო” (SIDA).
საგრანტო თანხად განსაზღვრულია 15000 ევრო, ხოლო პროექტების ხანგრძლივობა 6-7 თვეა. აპლიკაციების მიღების ბოლო ვადაა 2023 წლის 3 ოქტომბერი.
საპროექტო განაცხადების ან/და დამატებითი კითხვების ქონის შემთხვევაში, შეგიძლიათ დაუკავშირდეთ ქალთა ფონდს: