ერთი კვირა გავიდა, რაც ქართული ოცნების ხელახლა ინიციირებული რუსული კანონის წინააღმდეგ უწყვეტი პროტესტი მიმდინარეობს. აქციებმა მოიცვა თბილისის თუ საქართველოს სხვა ქალაქების ქუჩები, ინფორმაცია აქტიურად ვრცელდება სოციალურ ქსელებშიც, პროტესტს უერთდებიან სხვადასხვა სფეროს წარმატებული ადამიანები, კანონის საწინააღმდეგო პოზიცია აქვთ ევროპის ქვეყნებს, პარტნიორებსა და მხარდამჭერებს. სულ ცოტა ხნის წინ კი ორი ახალი ვებგვერდი გამოჩნდა, რომლებიც რუსულ კანონზე მეტის გაგებაში დაგეხმარებათ და დაგეგმილი პროტესტების შესახებ ინფორმაციას მოგაწოდებთ და რჩევების მიღებასაც შეძლებთ.
gaanate.org — საიტზე შეგიძლია რუსულ კანონს სულ რაღაც 15 წუთში გაეცნო, ერთ საათში კი ბევრად საფუძვლიანად შეისწავლო. ვებგვერდზე გაერთიანებულია იმ პრობლემებისა და მითების შესახებ ინფორმაციაც, რაც კანონს უკავშირდება და განხილულია ის მაგალითები, რა რისკებსაც მისი მიღება წარმოშობს.
norussianlaw.info — აქ დაგეგმილი აქციების დროისა და ადგილის შესახებ მიიღებთ ინფორმაციას, ასევე წაიკითხავთ აქციაზე გამოსადეგი აღჭურვილობის შესახებ და შეგეძლებათ, რომ დიდ კომპანიებს თქვენი, როგორც მოქალაქის ხმა მიაწვდინოთ. საიტს მალე დაემატება იურიდიული რჩევებიც.
