გრემის მუსიკალური დაჯილდოების რიგით 66-ე ცერემონია ლოს-ანჯელესში 4 თებერვალს გაიმართა. მაილი საირუსმა თავისი პირველი და მეორე გრემის ჯილდო წლის საუკეთესო ჩანაწერისა და წლის საუკეთესო სოლო პოპ შემსრულებლის კატეგორიაში კომპოზიციით Flowers მოიგო, ხოლო წლის საუკეთესო სიმღერად ბილი აილიშის What was I made for? დასახელდა.
აილიშის სიმღერა What was I made for? ფილმისთვის ბარბი დაიწერა. მას წარმატებას გამოსვლისთანავე უწინასწარმეტყველებდნენ, რადგან სიმღერა კომერციულად წარმატებული აღმოჩნდა და მოსმენების რაოდენობის მიხედვით, ავსტრალიაში, ირლანდიაში, შვეიცარიასა და გაერთიანებულ სამეფოში პირველ ადგილს მიაღწია. გრემის წლევანდელი ჯილდოს დამატებით, აილიშს უკვე 7 მოგება და 25 ნომინაცია აქვს.
საირუსი დაჯილდოებაზე პერფორმერებს შორისაც იყო. Flowers-ის ლაივ შესრულებისას მაილი საირუსმა იმპროვიზაციას მიმართა და მსმენელს სიმღერის ახალი, ხუმრობანარევი ტექსტი შესთავაზა, რომელშიც ის გრემის მოგებაზე მღერის.
“დავიწყე ტირილი, მაგრამ შემდეგ გამახსენდა, რომ ახლახან ჩემი პირველი გრემი მოვიგე!” — ამღერდა საირუსი.
“I just won my first Grammy!!” – Miley Cyrus at the 2024 #Grammys pic.twitter.com/MJnrj9qSie
— The Hollywood Reporter (@THR) February 5, 2024
პრემიის სხვა ქვიარ გამარჯვებულებს შორისაა ღიად ბისექსუალი მუსიკოსი ფიბი ბრიჯერსი, რომელიც გრემის ტრიუმფატორი გახდა და 4 კატეგორიაში გაიმარჯვა. აქედან ჯილდო ორ კატეგორიაში თავის ბენდთან, Boygenious-თან ერთად (ჯულიან ბეიკერი, ფიბი ბრიჯერსი და ლუკა დაკუსი) კატეგორიებში — საუკეთესო როკ სიმღერა და საუკეთესო როკ შესრულება სიმღერთ Not Strong Enough მიიღო. ხოლო ორიც ჯგუფს გარეთ — საუკეთესო პოპ დუი SZA და ფიბი ბრიჯერსი სიმღერით Ghost in The Machine, საუკეთესო ალტერნატიული ალბომის კატეგორია ჩანაწერით The Record.
ჯგუფმა მიმდინარე წლის გრემის წითელი ხალიჩა ღაზაში ცეცხლის შეწყვეტის ადვოკატირებისთვის გამოიყენა. ალტერნატიული მუსიკალური ჯგუფის წევრები დაჯილდოებაზე ტომ ბრაუნის სპილოსძვლისფერი კოსტიუმებით გამოცხადდნენ. ტრიოს ჩაცმულობაში, რომელიც საყელოიანი და ღილებიანი პერანგების, შავი ჰალსტუხების, და ვარდისფერი მიხაკისგან შედგებოდა, მთავარი დეტალი წითელი პინები იყო, რომლებზეც იკითხებოდა “მხატვრები ცეცხლის შეწყვეტისთვის”. Artists for Ceasefire — ეს მუსიკოსების, მსახიობებისა და ადვოკატთა კოლექტივია, რომლებიც ღაზაში სექტორში ცეცხლის შეწყვეტისკენ მოწოდებისთვის გაერთიანდნენ.
გრემის 2024 წლის ქვიარ გამარჯვებულებს შორისაა ამერიკელი ვიქტორია მონეც, რომელმაც წლის საუკეთესო დებიუტანტის კატეგორიაში გაიმარჯვა. სცენაზე ასვლისა და არენაზე მყოფი პერსონალისთვის მადლობის გადახდის შემდეგ, მონემ განსაკუთრებული მადლიერება დედამისის მიმართ გამოხატა.
“ეს ჯილდო იყო 15-წლიანი დევნა”, — გულწრფელად განაცხადა ჯილდოს მიღების სიტყვაში მან.
მონე ბისექსუალად 2018 წელს დაქამინგაუთდა. მისი თქმით, ის ძალიან ნერვიულობდა თავისი სექსუალობის გაზიარების შედეგად წამოსული საპასუხო რეაქციით, რადგან დაქამინგაუთებამდე უკვე არაერთი უმცირესობის კატეგორიაში იყო.
“თითქოს არ მინდოდა, ჩემი სექსუალობის გაცხადებით, მეტი სიმძიმე დამემატებინა ტერფებზე, რბოლის მოგების მცდელობისას. როცა უკვე ქალი ხარ და უკვე შავკანიანი ხარ, ჯობს, აირჩიო, რომელ ბრძოლაში უნდა ჩაება”, — აღნიშნავს მონე.
გრემის დაჯილდოების ისტორიაში რეკორდი მუსიკოსმა ტეილორ სვიფტმა დაამყარა. კერძოდ, კატეგორიაში საუკეთესო ალბომი — შემსრულებელმა Midnights-ით დაიმსახურა გამარჯვება. წლევანდელი ჯილდოს ჩათვლით, სვიფტს, კარიერის განმავლობაში, უკვე 14 გრემი აქვს მოპოვებული, რაც მას პირველ სოლო შემსრულებელს ხდის, რომელსაც წლის საუკეთესო ალბომისთვის ჯილდო 4 სხვადასხვა წელს გადაეცა. სვიფტს ამ კატეგორიაში ჯილდო მოგებული აქვს ალბომებისთვის Fearless, 1989 და Folklore.
► წაიკითხეთ ამავე თემაზე: 10 საუკეთესო სიმღერა, რომელიც ქვიარ მუსიკოსებმა 2023 წელს გამოუშვეს
2024 წლის გრემის დაჯილდოების მთავარ კატეგორიებში გამარჯვებულები არიან:
საუკეთესო ჩანაწერი
- მაილი საირუსი – Flowers
საუკეთესო ალბომი
- ტეილორ სვიფტი – Midnights
საუკეთესო სიმღერა
- ბილი აილიში – What Was I Made For
საუკეთესო დებიუტანტი
- ვიქტორია მონე
საუკეთესო პროდიუსერი
- ჯეკ ენტონოფი
საუკეთესო პოპ სიმღერა
- მაილი საირუსი – Flowers
საუკეთესო სიმღერის ავტორი
- თერონ თომასი
საუკეთესო პოპ დუო
- SZA და ფიბი ბრიჯერსი – Ghost in The Machine
საუკეთესო პოპ ვოკალური ალბომი
- ტეილორ სვიფტი – Midnights
საუკეთესო როკ შესრულება
- Boygenious (ჯულიან ბეიკერი, ფიბი ბრიჯერსი და ლუკა დაკუსი) – Not Strong Enough
საუკეთესო მეტალ შესრულება
- Metallica – 72 Seasons
საუკეთესო როკ სიმღერა
- Boygenious (ჯულიან ბეიკერი, ფიბი ბრიჯერსი და ლუკა დაკუსი) – Not Strong Enough
საუკეთესო როკ ალბომი
- Paramore – This s Why
საუკეთესო ფილმის მუსიკა
- ბარბი
საუკეთესო მუსიკა დაწერილი ფილმისთვის
- ოპენჰაიმერი
საუკეთესო ალტერნატიული ალბომი
- ფიბი ბრიჯერსი – The Record
საუკეთესო კლიპი
- The Beatles – I’m Only Sleeping
საუკეთესო რეპ სიმღერა
Killer Mike – Scientists & Engineers
საუკეთესო რეპ ალბომი
Killer MIke – Michael
გრემის 2024 წლის გამარჯვებულთა სრულ სიას შეგიძლიათ ამ ბმულზე გაეცნოთ.